Helg og handel. :)

Litt meir handling har det no blitt på meg ja.
Blir sånn når ein finn ut at ein skal skifte ut mesteparten

av det ein har. 

Denne fine skjønnheten blei min for den nette sum av

175,-. Syntest det var ein god handel eg.
Fine raud og kvit kaffikanne, blir fin med ein vårblom eller

nokre krydderurter opp i den. 

Må jo berre innrømme at eg synest den har verdens vakraste

og enklaste mønster. Det enklaste er ofte det beste, seier dei

i reklamen, og det stemmer nok det ja. 

Og i helga så er det loppis i nabobygda, så då håpar eg at

eg finn meg nokre skatter der og.
Men eg finn jo forsatt ting og tang inne på Finn Kvinnherad,

siste kjøpet mitt der inne er eit Figgjosett, til den nette

sum av 250,-.
Så no får eg berre møsa meg inn til Rosendal og få henta det. 

Er det ikkje fint? Men no treng eg muggen til dette settet, ja

sukkerbitskåla og. Så får eg ta det litt etter litt. :)

Ønskjer alle som er innom ein strålande fin helg.
Er det kanskje fleire som skal på loppis?

Ein liten puff.

På finn kvinnherad så var det ei dame som skulle 

gje vekk ein søt liten puff.
Og den tenkte eg at måtte jo vere suveren til å samle

leikane til barnebarna i. 

Den treng nok ein liten makeover, for den var litt

slitt i skinnet som var på. Så eg lurte på

om lokket skulle få på seg eit geiteskinn og så kan 

sjølve stammen få eit fint trekk frå ei gardin frå

70-tallet som eg har liggjande. 

Den er laga av faren til ho som eg fekk den av, og 

det er utruleg flott arbeid, men den er ubehandla inni

så der tenkte eg at eg skulle male den, så den tåler

litt meir. 

Jau trur den blir fin i brunt og kvitt geiteskinn og 

i den gardina med omlag same fargane ja. :)

Men no må eg ut på tur, eg har jo sjølvsagt handla 

meg litt meir på finn kvinnherad eg. *ler*

Ha ein fin dag alle saman. 

Fint Figgjofat.

I går var eg som sagt på Månadsmarknaden,

og der fant eg sjølvsagt både små og store skattar.

Nydeleg fine blomar på dette fatet.
Eg fekk mamma til å kjøpe det til meg, så var 

bursdagsgåva mi i boks. (Sjølv om det er no litt

over ein månad til ennå, men godt med da

som er gjort). 

Likar denne rosafargen, den passar no så godt inn 

hjå meg den.
Veit ikkje om desse fatene har noko namn, men eg

kunne tenkt meg eit av kvar farge dei er komt ut i. 

Eg fant meg andre skattar og på Månadsmarknaden, 

men dei får eg syne dykk ein annan dag.
Og eg må no sei at dette var den finaste skatten. :)

Ønskjer dykk alle ein fin søndag. 

Vinnarlukke.

I går kveld så tikka det inn ein sms til meg,

der stod det at eg hadde vunne premien i
den siste konkurransen  som Fem Høns hadde 

i bloggen sin.
Ein flott termos og to fine krus. :)

Så då er det berre til å sjekke posten framover.
Snakk om å få ein fin start på helga. :)
Og i morra så er det Månadsmarknad  på
Husnes, så skal sjå eg finn meg ein skatt eller to 

der og. 
Ha ei fin helg alle saman. :) 

Kommoden min.

Eg trengte ein ny kommode her i huset, så då

tenkte eg at Finn Kvinnherad måtte no vere plassen

å leite fram om nokon har ein kommode.
Og gjett om eg fant då. :)

Det var ingen trekvit kommode sånn som det såg

ut på biletet, den er jo i teak. Me like.
( sjå vekk frå ledninger oa. dei er der uansett. hehe )

Øverste skuffa er det lås på, noko som kan vere ein fordel 

av og til. Men eg må prøve å få fatt i "nøkkelhullet" for det 

var borte vekk. 

Fine handtak i tre til skuffene. Synest dei var fine,

så dei blir nok ikkje bytta ut. Likar at ting er sånn som
dei var opprinneleg eg. 

Og fine svarte bein til den var det og.
Og ser du fillerya den står på? Den har søstra mi

laga til meg. Den er vevd på gamalt sengetøy som

eg hadde når eg vaks opp. Så den er litt spesiell ja.


No skal eg snart ein liten tur på treff på Stord, 

gleder meg.

Ønskjer alle som er innom ein strålande fin kveld.

Meir til kjøkkenet.

Den andre tingen eg kjøpte meg på Finn Kvinnherad er

ein oppbevaring/holder til smågodt eller til taco td. 

Nydeleg i brunt og oransje. 

6 små skåler i ei form, der eg kan servere smågodt, 

eller taco. Sikkert andre ting og om eg berre kjem

på det. :)
Det er jo ein stor foredel at skålene kan

takast utav forma og vaskast seperat. 

Og enkelt å greit å servere frå, siden det er handtak

til å bære den fram og tilbake med.
Og så må eg no ein gong til få sei at eg elska dei

fine fargane på den. 

Sånn ser den ut når du har tatt ut skålen, ein fin 

blomeform. Så ein kan bruke haldaren og skålene for 

seg sjølv og få med seg litt meir.

Men i morra så skal eg syne dykk den fine kommoden

eg har kjøpt meg. Trudde den var trekvit, for såg sånn

ut på biletet, men til min store overraskelse så var

den faktisk i teak, og til den nette sum av 250,- . *lukke*

Ha ein fin kveld vidare. 

Finaste kaffikoppane. :)

Prøv å gjett kor eg har vært i å leika meg?

Ja eg har nok vært innom Finn Kvinnherad igjen eg.
Hehe, er vist starta å bli ei vane eller uvane dette.

Men der såg eg dei nydelege fine kaffikoppane.
Har leita på loppis og på marknaden her etter sånne.

Er dei ikkje berre rett og slett nydelege?

Og i ein nydeleg vårgul farge, og på eit flott

brett, så det er lett å servere gjester kaffi.
Blir fint å servere kaffi til gjestane ute i sommar

i desse nydelege koppane. 

No har eg jo sett både i bloggar og på FB at fredagskvelden

så skal ein slappe av med eit godt glas med vin.
Men eg er ikkje noko vinmenneske, så min fredagsfavoritt

er kaffi med Bayliss.
Og då har eg først Baylissen i mjølkeskummaren min, så 

opp i med kaffien. Ny vri på CafeLatte. :)

Og etter bruk, så deler ein berre av glasskoppen frå 

kopphaldaren. Glaskoppen i oppvaskmaskina og så 

skyller ein av kopphaldaren. Isipisi.


Og i morra så skal eg syne dykk den andre tingen eg

fekk heim i dag. See you later. :)

Lerduer. :)

Av og til når eg ser ein ting, så får eg

ein ide om at dette kan jo brukast til noko

heilt anna ja. 

Og på finn Kvinnherad så såg eg ein som hadde

lagt ut lerduer for salg.
Ikkje det at eg er så veldig interessert i leirduer

til vanleg, men desse hadde akkurat den 

fargen eg trengte til nokre telysestaker som

eg nett kjøpt meg på -nille.

Eg vart heilt fasinert av den flotte orange fargen på

desse lerduene, så eg kontakta selgaren for å "tigge" til 

meg nokre av desse fine lerduene. 

Og desse fine telysestakene frå -nille

passa jo som hand i handske på desse lerduene.
Så no brenner eg telys og kosar meg med den vakre 

pynten eg har fått meg i stova. 

Og så gjorde det jo ikkje noko at -nille hadde salg

på telys heller. 9,- kroner for ein boks med telys

i plastformer i stadenfor aluminiun. For av og til så er desse 

lysene finast å bruke.

Ha ein fin laurdagskveld. :)

Litt meir retro. :)

Ja no er det nokre dagar sidan eg fekk desse 

fine tinga, men minnekortlesaren min var defekt så 

eg måtte komme meg på butikken for å kjøpe ny.

Dette sybordet fant eg på Finn Kvinnherad på FB.
Eg fekk da for den nette summen av 400,-.
Ikkje verst for eit så vakkert bord. :)

Ei god skuff der eg kan leggje sytråd, synåler osv.
Skal bli kjekt å få ta dette i bruk. 

Og ei stor skuff under der eg kan få plass til eit strikketøy

og to. Og ev. litt garn. Nydeleg. 

Og så fekk eg melding i innboksen min på FB, der ei sa

at ho hadde to sånne stolar som eg kunne få, om eg

kom å henta dei sjølv.
Klart eg kunne henta dei. :)
Nett no så står dei i gongen, for eg klarer ikkje heilt å 

bestemme meg for om eg skal ha dei i stova

eller om eg skal laga til meg ein godkrok på soverommet. :)
Men er den ikkje fin. Bilete av begge to ilag var for dårleg

til at eg kunne leggje det ut.

Og i morra er det fredag, altså kafe- og shoppingdag.
Men skal sjå at eg berre shoppar gjennom FB, det er no

der eg har funne  dei andre skattane i det siste.

Og av alle ting så er det loppis i Uskedalen på laurdag,

men diverre så kjem eg meg ikkje dit. *krise*

Jaja, 13. mars så er det eit nytt loppis, håpar på sjangs

til å komme meg på det idet minste.

Ha ein fin kveld. :)

I ♥ vinyl.

Eg har investert i ein ny platespelar, sånn at

eg kan få spelt vinylplatene mine.
Elsker lyden av vinyl. :)

Den er jo bare vakker i seg sjølv faktisk,  men den 

er heilt ny men ser gamal ut. Vakker!!
Den kan spele LP, EP og 78-plater, kasett, cd

og det er usb-inngong, sånn at eg kan ta opp frå dei

andre mediene. Ja det er til og med radio og på den. 

Så no har eg høyrd på John Fogerty, Smokie, og mange

andre flotte artistar på ekte vinyl igjen. 

Og så har eg jo sjølvsagt  ei fin plate som minner meg

om barndommen. 

Kven huskar vel ikkje Geir Børresen og Smurfene. :)
Men eg skal på jakt etter dei andre platene av dei, for

kan jo ikkje berre ha ei. :)

Og denne fine vasen fant eg på Finn Kvinnherad

inne på FB. Må eigentleg innrømme at eg handlar kanskje

vel mykje der inne, men den var jo berre så vakker,

og den passa så godt her ilag med dei andre tinga mine.


I morra så håpar eg at eg får henta meg eit sybord i teak

som eg har kjøpt meg. *lykke*
Men mamma har ein kvit og svart krakk med 

oppbevaring som eg og godt kunne tenkt meg, ( jada

mamma er innom å leser, så dette er eit hint ja).

Ønskjer alle som er innom ei strålande fin helg. 

Finaste radioen er blitt min. :)

Atter ein gong har eg vært inne på
Finn Kvinnherad på FB, og eg finner meg alltid

noko veldig fint der. Og siste kuppet er eit

superfint radioskap.

For dette radioskapet måtte eg berre 

betala 500,- , det er nesten ingenting, i allefall

i forhold til kor mykje glede eg vil få av den. 

Dette er ein Tandberg Supersilver 75-14.

Dei vart produsert mellom 1959-1961. Eg hadde

jo tenkt å ha platene mine i den, de kan sjå at dei ligg

inni. Men det er altså ikkje plass til dei, for den er laga til

for dei 78-platene som var på den tida. 

Og no kan eg høyre på radio i stova, sjølv om FM-senderen

berre går frå 87-100 MHz, så er det jo nok av kanalar

å velgje av.

Skulle sikkert ha laga eit morsdagsinnlegg i dag, siden

det er morsdagssøndag i dag. Men vi feirer ikkje morsdag

og farsdag, vi feirer oss sjølv heller titt og ofte utanom. :)

Og når eg får ein sånn fin radio på døra, ja då kan da

vere nett kva dag da vil, for meg er det ein lykkedag 

i allefall.

Ønskjer alle mine lesarar ein flott søndagskveld. 

Lysfat i vårlege fargar.

Var innom -nille her om dagen, då såg

eg nokre fine telysestaker som eg fekk lyst på.

Og så var det nokon fine blomar som hang

på 70% hylla som eg syntest passa godt inn i

litt vårleg tema ( sjølv om eg mistenker at dei

eigentleg høyrer til haustpynt ). 

Nydeleg oransjefarga på dei, ikkje sant?
Syntest dette lysfatet får vårlege fargar når 

eg brukar grønt og oransj og gult. 

Og alt står på eit lysfat eg kjøpte meg på ein nydeleg

interiørbutikk som diverre er nedlagt no. Den hadde 

så mykje fint for alle.
Fatet står på ein duk som eg har gimpa sjølv. 

Duken er gimpa i eit garn som heiter flammegarn.
Det finn eg diverre ikkje på butikkane lengre. For eg synet

dukar som er gimpa blir finast i flammegarn, eller at ein

brukar ulike fargar på kvar omgang.


Eg hadde eigentleg tenkt å syne dykk ein fin radio som

eg har kjøpt meg, men fekk melding her i stad at den 

vert ikkje levert før i morgon, så då får vi sjå om 

eg ikkje må blogge då og. :-)

Ønskjer alle ein flott laurdagskveld. 

Glasbrikker.

Desse fine glasbrikkene fekk eg av ei 

venninne som hadde stand på Månadsmarknaden.

Dei var blitt "svarte" siden dei ikkje var blitt

pussa på ei stund. Ho har shabbychick-stil

hjå seg, så då skal dei jo sjå sånn ut. 

Men som sjølvutnemd Lady of the Bling, så kan

jo da ikkje sjå sånn ut når det skal vere pynt

heime hjå meg. hehe

Lurer av og til på om eg har vært ei skjor i mitt

forrige liv, sidan eg er så glad i alt som blenkje. ;)
Men sjå då................

Vart det ikkje fint og skinande no?

Sånn skal dei sjå ut, då er dei fine då.
Ikkje sant?
No kan kaffikoppen min stå på eit fint underlag

og så får eg beskytta bordet mitt mot flekker. 

Så var det å ta bilete av dei andre skattane eg fekk

meg på Marknaden. Må jo syne dykk dei og.

Ha ein fin dag vidare. 

Eg fant eg fant. :)

I går så var det atter ein gong Månadsmarknad

på Husnes.

Og det er alltid like spennande kvar gong om eg finn
meg ein skatt eller to. 

Denne gongen var eg heldig og fant meg fleire

fine ting.
I dette innlegget vil eg vise dykk den nydelege

vekta eg fant. 

Karianne heiter den vist, og fin og vakker er den og.
Den kosta meg faktisk ikkje meir enn 75,- kroner, syntest

det var billig for denne vakre vekta eg. 

Eg har jo eigentleg ei fin vekt frå før av på kjøkkenet,

men den passar liksom ikkje heilt inn hjå meg lengre, 

du kan sjå vekta her: Grøn kjøkkenvekt.


Så eg har avtalt meg mamma at ho kan få ha den på

hytta si, men då skal eg til gjengjeld ha noko av 

hennes fine 60-70-tallsting. :)

I morra skal eg vise dykk litt meir av skattane eg

fant meg på marknaden.
Ha ein fin kveld.